— 370 —
namanja Oan Swie, ia soeda pergi ka kamarnja itoe orang berilmoe dan ngintip dari lobang koentjinja pintoe, tapi njatalah itoe orang ada Tjoa long.
Itoe oetoesan berpaling pada Lie Liang-sih dan mengawasi dengen sorot mata menanja.
„Ja, memang di sitoe ada doea orang,” kata itoe pembesar, jang maski tida ditanja, tapi dengen sorot matanja itoe tetamoe jang memandang begitoe roepa, ia soeda lantas menjaoet demikian.”
„Siapatah adanja itoe orang jang satoe ?” tanja itoe oetoesannja Tong Koan.
„Bener ia itoe Tjoa leng,” djawabnja.
„Apa kaoe taoe orang itue ada mempoenjai perkara besar ?”
„Tida sekali.”
„Tapi ini ada satoe perkara jang kabetoelan.”
„Perkara apatah ?”
„Ia ada tersangkoet dalem perkara memboenoe satoe pembesar.”
„Ah!”
„Bener. Akoe tida bitjara maen-maen.”
„Tjobalah kaoe tjeritaken.”
Itoe oetoesan laloe tjeritaken, bagimana waktoe Pang Pioe bawa persakitan Lie Eng, di antara itoe tiga pendjahat, ada satoe Tjoa leng jang dapet dikenalin. Oleh kerna itoe orang boeron ada tersangkoet perkara besar, maka sampe sekarang poen oleh pamerenta masi teroes ditjari dan pada
