— 368 —
pat dimana iaorang sedeng bitjara, ada bebrapa pengikoetnja itoe oeroesan jang toeroet masoek sama-sama ka mari, ada mendengeri sagala pembitjarahannja.
Sasoenggoenja djoega ada bener. Itoe bebrapa pengikoet, satoe antaranja jang dari satadi ada pasang koeping, djadi amat katarik atas kasaktiannja Oan Swie dan kapingin bisa liat bagimana matjemja itoe orang berilmoe, jang didoega: tentoe bengis atawa angker.
Satelah denger Liang-sih kata, jang Oan Swie itoe sekarang ada di roemanja, maka pengikoet itco lantas kaloear, menoedjoe ka kamar jang haroesan disebuet, dengen maksoed boeat liat roepanja itoe orang berilmoe.
Koetika itoe pengikoet sampe ka tempat jang boedjangnia Liang-sih oendjoeki, ia laloe mengintip dari lobang koentjian pintoe, waktoe mana djoestroe Oan Swie dan Tjoa leng baroe brenti bitjara dan maoe naek ka tempat tidoer.
Si pengikoet laloe mengintip.
Tapi ia boekan dapet liat Oan Swie jang diingin, hanja katampak roepanja Tjoa leng jang lagi mengadep ka tempat terang.
„He ?. . . . . . . . . . . . . . .” kata si pengikoet di dalem hati: „dia ini.. . . . . . . . . .” dia ini . . . . . . . . . .” akoe rasa nja inget. . . . . . . . . .”
Kamoedian ia berdianm.
Tapi maski poen tida berkata-kata, batinja ada
