— 367 —
Pinio sendiri poenja sala, hingga sekarang moesti dapet ini sedikit katjilakahan.”
Itoe oetoesan bales dengen bebrapa perkatahan manis jang menghiboeri. Kamoedian ia menanja dengen tjara bagimanatah itoe pertandingan mengadoe ilmoe dilakoekennja.
Kwe Keng tjeritaken satoe persatoe sabagimana jang pembatja telah liat. Tapi, boeat mebikin dieinja tida terlaloc maloe, ia kata begini:
„Dalem itoe pengadoean ilmoe Pinto soeda berlakoe dengen terang dan djoedjoer, dengen menggoenaken pengaroenja hikmad boeat oendjoek kasaktian. Tapi lawanankoe itoe soeda berlakoe tjoerang, sataoe dengen menggoenaken ilmoe siloeman apa, maka ia soeda kaloearken poehoen tho jang berboea goena pedajaken moesoenja. Inilah sebabja membikin Pinto jang tida bertjoeriga, djadi dapet dikalaken.”
„Soenggoe sajang sekali jang Siantiang moesti kena dipedajaken begitoe roepa,” kata itoe oetoesan sambil bersenjoem
Dalem sapandjang bitjara itoe, Kwe Keng ada menanja djoega pada Lie Liang-sih, pada sahabisnja mengadoe kasaktian, ka manatah satroenja itoe pergi. Liang-sih dengen teroes terang kasi taoe, jang Oan Swie sekarang ada di roemanja.
Kwe Keng tida maoe tanjaken lebi djaoe, hanja simpangken omongannja ka laen djoeroesan, kerna boeat bitjaraken itoe lebi banjak, ia sendiri merasa maloe, apapoela ia taoe di loear kamar tem-
