— 90 —
Tjiang boeat itoe kaperloean. Akoe dan Tong Kim Sioe kasi inget pada Thian Hok soepaja djangan berlakoe begitoe, berbalik ia soeda goesarin akoe berdoea dengen bilang, bahoea ia ada djadi koeusa dari toko Hiap Tjiang, orang laen tiada oesa perdoeli kendati ia abisken brapa banjak oewang sekalipoen, malah ia antjem akoe berdoea kaloe masi banjak tjerewet ia nanti oesir, lantaran begitoe akoe soeda toetoep moeloet.
Blakangan akoe dapet taoe Thian Hok ada maen gila pada satoe boenga raja nama Koei Hoa, saben malem ia plesiran pada ini soendel dengen borosken oewang boekan sedikit, hingga Tong Kim Sioe djadi djengkel sekali lantaran oewang simpenan di peti besi ampir abis, sampe maoe bajar doeit barang-barang tiada tjoekoep.
Akoe harep kau lekas-lekas poelang, kaloe lambat sedikit tentoe keadaan toko Hiap Tjiang djadi kalang kaboet. Akoe minta Liem Thian Sioe diadjak ka Siam bersama-sama kerna akoe soeda kangen. Laen tiada.
Tertinggal akoe poenja hormat
Tjoe Hek-kat.
Siam, tertanggal post stempel."
