— 89 —
Akoe moesti adjar itoe anak biar ia taoe rasa!”
Sembari oetjapken itoe perkataan, Sie An lantes seraken soeratnja Hek-kat pada itoe orang toea, jang lantaran matanja tiada awas, Sie An laloe ambil kombali dan batjaken dihadepannja itoe iboe, jang boenjinja begini:
„Disampeken kehadepannja
LIEM SIE AN
jang terhormat
di BWE-KOAN, — Tiongkok.
Sablonnja akoe toetoerken kaperloean apa ini soerat dikirim, terlebi doeloe akoe menanjaken keslametan sekalian familie di Tiongkok jang akoe harep siang hari malem tiada koerang soeatoe apa. Akoe di Siam ada didalem slamet.
Liem Thian Hok kau poenja anak sedari kau tiada ada di Siam, saben malem telah kaloear djalan-djalan, hingga oeroesan toko ajadi telantar, kerna ia perloeken plesir pada temen-temennja dari pada berdagang. Koetika di bio ada dibikin pesta, Liem Thian Hok gantiken kau djadi kepala dengen abisken oewang boekan sedikit. Menoeroet akoe poenja taoe koetika kau kepalaken itoe pesta, kau ada djalanken lijst, tetapi Thian Hok tiada maoe, maka ia kaloearken doeit dari toko Hiap
