— 70 —
siang soeda berlaloe lantaran dipanggil oleh orang toeanja, tinggalken Koei Hoa disitoe.
Tong Kim Sioe titaken bebrapa djongos benaken barang-barang, ia sendiri samperin Thian Hok dikorsi dalem pangkoeannja Koei Hoa aken diadjak poelang.
„Pe Kim-sioe sekarang Thian Hok soeda poesing, biarlah akoe jang bawa poelang ka roemakoe, kerna koeatir koeli-koeli toko Hiap Tjiang dapet taoe Thian Hok mabok djadi tiada baek,” kata Koei Hoa.
Tong Kim Sioe memang di itoe waktoe kepalanja ada sedikit poesing, ketambahan ada djadi kontjonja Hek-kat, maka ia tiada larang kaloe Thian Flok dibawa ka roemanja Koei Hoa, sedeng ia sendiri poen ada ikoet bersama-sama.
Soeda lania Tong Kim Sioe maoe tjari djalan boeat tjari kesalahannja Thian Hok, tetapi sebegitoe lama itoe djalan blon bisa didapet lantaran Thian Hok ada berlakoe ati-ati didalem toko. Sepandjang djalan ia berpikir, kaloe seandenja Sie An dapet taoe ini perboeatan semoea kesalahan akoe toempaken dipoendaknja Thian Hok.
Thian Hok ada saorang moeda jang blon taoe begimana rasanja sorga doenia,” kata Tong Kim Sioe didalem hati, „kaloe ia bisa lengket pada Koei Hoa, tentoe oeroesan di toko Hiap Tjiang djadi telantar, dengen begitoe Thian Hok djadi tiada di-
