— 42 —
ditangannja batauw, jang sekarang hendak dibawa ka Siam boeat di djadiken prempoean hina.
Halnja Yap Koei Hoa kita aken toetoerken kamoedian, 1 ena kita aken adjak pembatja liat perdjalanannja Liem Thian Hok lebi doeloe.
Liem Thian Hok sasoedanja dapet taoe halnja itoe prempoean dari Nio Sam hatinja djadi sanget kesian pada Yap Koei Hoa, jang kerna perboeatannja iboe tiri soeda djalan tersesat begitoe roepa.
„Sajang soenggoe sajang,“ berpikir Liem Thian Hok di dalen hati, „Yap Koei Hoa begitoe mocaa dan tjakep moesti djadi prempoean begitoean, diboeat goenjengan kongtjoe-kongtjoe idoeng poeti, dimana kaloe ia tiada disesatken, masi bisa marep peroentoengan lebi baek. Sekarang Yap Koei Hoa moesti manda dirinja dipermaenken oleh orang banjak jang ada poenja oewang dan tiada boleh banta kemaoeannja si batauw, maski pada satoe lelaki jang ia tiada penoedjoe. Dengen sedikit oewang dirinja boleh dipoenjaken oleh orang banjak, satoe hal jang sekali-kali tiada pantes boeat Yap Kori Hoa. Oh Yap Koei Hoa, Yap Koei Hoa, sabetoelnia kau tiada taoe begimana akoe poenja hati pada kau, maski akoe tiada kenal padamoe. Akoe sanget kesian padamoe, kesian dengen sasoenggoenja. Kaloe akoe waktoe ketemoe padamoe ada calem waktoe senang, soeda pasti akoe
