II.
Thian Hok djadi kaget sekali, sigra boeroe-boeroe kaloear maoe liat siapa jang djato, tetapi alangkah terkedjoetnja, kerna ia dapetken satoe badan prempoean sedeng tjelentang. Dengen loepaken segala apa, Thian Hok pondong ini prempoean dibawa ka kamarnja dan baringken padanja ditempat tidoer. Plahan-plahan Thian Hok liat ini prempoean bergerak dan kasi tanda maoe moenta, maka Thian Hok ambil tempolong tadain itoe kotoran.
Sasoedanja kaloearken banjak moenta, baroelah itoe prempoean bisa bitjara minta diambilin aer panas.
Thian Hok laloe djalan kaloear bawa mangkok ambil aer thee, kamoedian balik kombali kasiken padanja, dan tiada berselang brapa lamanja keliatan ia soeda tidoer poeles dengen senang.
Dari terangnja lampoe didalem itoe kamar, Thian Hok kenalin itoe prempoean ada prempoean jang tadi liwat disampingnja dan kasi liat mesemnja jang manis; kaloe tadi ia tiada dapet kenalin, lantaran ia ada didalem bingoeng.
Sabetoelnja Thian Hok dari setadi soeda timboel hati soeka pada itoe prempoean, mesemnja masi keliatan sadja didepan mata, tetapi lantaran
