— 22 —
Sampe disini banjak penoempang pada mendarat aken teroesken perdjalanannja ka Soa-tow dengen goenaken kreta api, tetapi Nio Sam dan Thian Hok dan bebrapa penoempang laen jang hendak goenaken kandaran aer aken pergiken itoe tempat, jang memang itoe praoe bakal menoedjoe ka sitoe, soeda tinggal diam didalem praoe.
Sebagimana biasa kaloe sampe disitoe praoe ada bernanti sedikit lama, maka Nio Sam adjak Thian Hok djalan-djalan ka darat meliat keadaan tempat-tempat disitoe. Satelah mengider sakoetika lamanja Thian Hok berdoea Nio Sam balik lagi ka praoe kerna tiada ada apa-apa jang begitoe menarik hati aken diliat, ketambahan soeda ampir sampe temponja praoe brangkat lagi.
Djangkar tiada berapa lama lantes diangkat dan praoe ditoelak katenga, kamoedian lajar moelai dipasang boeat belajar. Perdjalanan ka Soa-tow dari itoe tempat soeda tiada berapa djaoe lagi. Sabetoelnja Nio Sam sesampenja di djembatan Siang Tjoe Kio soeda maoe ambil djalan darat dengen kreta api sekalian maoe kasi liat pemandangan didarat dari itoe tempat pada Thian Hok, tetapi lantaran ia ada bawa banjak barang-barang dan terlaloe berabe moesti digotong pergi dateng, jang memakan onkost boekan sedikit, maka ia soeda oeroengken itoe niat.
Angin ada menioep dengen bagoes, hingga dja-
