— 181 —
dapet pakerdjaan jang satimpal boeat kau poenja pengidoepan.”
„Atas kau poenja boedi, sasoenggoenja ada sanget besar sekali, blon taoe kapan akoe bisa bales,” kata Thian Hok dengen kepala toendoek. „Akoe tiada senang kaloe moesti tinggal disini zonder ada poenja pakerdjaan. Kaloe begitoe akoe nanti pergi sadja ka laen tempat.”
„Kenapa kau kata begitoe, Thian Hok? Maski kau boekan soedara padakoe, tetapi kau ada baek melebiken dari soedara poetoesan peroet. Kaioe akoe taoe kau ada begitoe sikia tentoe sekali akoe djoega tiada maoe menginep di toko Hiap Tjiang kaloe dateng ka Siam,” kata Souw Hap Hoen dengen tertawa.
Lantaran apa boleh boeat dan pikir onkostnja besar kaloe moesti menginep di hotel, maka Thian Hok trima djoega permintaan Hap Hoen boeat tinggal bebrapa hari lamanja. Begitoelah Thian Hok berpamitan pada Hap Hoen aken pergi ka hotel mengambil Koei Hoa. Hap Hoen anterken ini sobat sampe diloear toko, kamoedian ia masoek ka dalem titaken istrinja sediaken kamar blakang jang memang tiada kepake boeat tempatnja Thian Hok dan Koei Hoa.
Tiada lama Thian Hok berdoea Koei Hoa aateng disitoe. Hap Hoen titaken istrinja adjak Koet Hoa ka dalem serta oendjoek kamarnja. Moelai
