— 179 —
VII.
Kita tinggalken doeloe permoefaketan Tiong Djin dan Thian Pouw boeat pergokin pada Tong Kim Sioe, mari pembatja liat perdjalanannja Thian Hok dan Koei Hoa.
Sesampenja Koei Hoa diplaboean Singapore, lantes Thian Hok tjari koeli boeat bawah barangbarangnja ka satoe hotel jang pernanja deket. Satelah dapet ini tempat menginep, Koei Hoa dan Thian Hok tjoetji badan dikamar mandi dan doedoek bersantap.
Di itoe hari Thian Hok tiada pergi kaloear, hanja diam sadja didalem hotel ilangken tjapenja bekas teroembang ambing ditenga laoetan bebrapa hari lamanja. Besoknja baroelah Thian Hok pergi tjari tokonja Souw Hap Hoen jang pernanja ada di djalan raja.
Kabetoelan sekali Souw Hap Hoen ada didalem toko, satelah liat pada Thian Hok ia poenja langganan dan kenalan lama, boeroe-boeroe ia samboet kedatengannja dan adjak masoek ka dalem, dimana sasoedanja doedoek Souw Hap Hoen menanjaken keslametannja Thian Hok dan Liem Sie An.
Liem Thian Hok lantaran soeda kenal lama pada
