— 177 —
moe.".................
„Akoe poen soeda doega begitoe!” kata Thian Pouw jang memotong orang poénja bitjara. „Akoe soeda dibilangin oleh Pouw Teng 'perdjalanannja Kim Sioe tetapi akòe tiada maoe pertjaja, baroe sekarang akoe taoé bahoea ia ada menoesia binatang. Dia maoe bikin tjilaka padakoe? Inilah ada bisa djadi dan blon boleh, kerna sablon akoe dibikin tjilaka, lebi doeloe akoe maoe bikin ia soesa. Akoe harep kau bantoe banjak padakoe dalem ini hal, Tiong Djin?”
„Dengen doeloe akoe bitjara,” kata Tiong Djin. Sasoedanja itoe boedjang akoe kompes akoe lantes tanja, pada waktoe begimana kaloe Kim Sioe datang. Ia bilang Kim Sioe dateng diwaktoe siang jaitoe kaloe Thian Sioe soeda pergi keraja. Antero boedjang tiada brani banjak moeloet, kerna takoet pada Hek-kat.”
„Pantes kaloe begitoe,” kata Thian Pouw. „Saben Kim Sioe pergi satelah ampir sore baroe balik ka toko Hiap Tjiang dengen alsean maoe oeroes pakerdjaan. Sekarang akoe taoe, boekan ia oeroes pakerdjaan, hanja oeroesin Hek-kat. Tetapi sekarang kau Tiong Djin boleh berlaloe doeloe. Akoe harep kau djangan ngomong sama siapa djoega, kerna kaloe ini perbocatan ketaoean, tentoe Kim Sioe nanti berlakoe ati ati dan boleh djadi ia tiada brani datang lagi, sebaliknja Hek-kat
Liem Thien Hok No 12
