— 176 —
telah liat padakoe, lantes maoe lari, tetapi akoe kasi tanda aken ia diam di itoe tempat dengen kasi oendjoek piso jang akoe pegang. Roepanja ia ada takoet djoega, kerna dengen kaki menggetar ia berdiri diam. Akoe lantes samperin padanja dan berkata: „Hian, kau djangan takoet, akoe ada Tiong Djin, perloenja akoe dateng disini jaitoe maoe tjari serepan perhoeboengannja Hek-kat bersama Tong Kim Sioe, akoe harep kau tjeritaken teroes terang, kerna akoe taoe pasti jang kau aca banjak denger hal apa-apa berhoeboeng dengen perdjalanannja Hek-kat. Kau djangan koeatr nanti kau dibawah-bawah dalem ini perkara, tetap kau moesti taoe sendiri, djikaloe kau maoe toetoep resia boeat apa jang kau taoe, tentoe seka ini piso nanti djadi bagianmoe.”
„Bermoela ia bilang tiada taoe, tetapi satelah akoe tjelentangin padanja dan tandelin piso dibatang lehernja, baroelah dengen soeara planan ia kata maoe tjeritaken perdjalanannja Hek-kar bersama Tong Kim Sioe apa jang ia taoe. Ia kata soeda lama Tong Kim Sioe ada bikin perhoeboengan pada Hek-kat. Djoega Liem Thian Hok poenja perkara ada lantaran Kim Sioe jang bikin tjilaka, hingga dioesir oleh Sie An. Tetapi itoe tiada sebrapa penting, jang paling berharga ia poenja pengakoean jaitoe baroe ini Hek-kat ada bermofaketan sama Kim Sioe maoe bikin tjilaka paoa
