— 121 —
en gila pada si Thian Hok, jang seperti djoega si Thian Hok kaja melioenan. Sih akoe paling bentji sekali orang poenja adat begitoe! Akoe soeda adjarin padanja, kaloe ada jang kaja, kita goeling jang sekarang, pegang ini. Dengen begttoe kita bisa kantongin doeit banjak. Tetapi ini tida, ada Tan Sam jang maoe boeat bini moeda, masi djoega si Thian Hok ditoengkoelin. Kaloe si Koe Hoa bisa dapetin Tan..................”
Baroe sadja Tjit Mah ngomong sampe disini, keliatan dari djaoe djalan mendatengin saorang lelaki stenga toea dengen berpakean perlente, hingga Tjit Mah djadi terkedjoet sekali, dengen lakoe repot ia sigra samboet kedatengan ini orang, jang lantes disilaken doedoek. Kamoedian Tjit Man prenta pada sekalian koepoe-koepoe malem temenin ini orang.
Siapa adanja ini orang stenga toea? Perloe kita kasi kenal pada pembatja.
Ini orang ada Tan Sam, jang sering ditjeritaken oleh Tjit Mah pada Koei Hoa ada saorang rojal dan hartawan. Karojalannja pada boenga berdjiwa ada terkenal oleh sekalian batauw-batauw, hingga tiada heran Tjit Mah ada hormat sekali padanja. Tan Sam soeda lama maoe beli doea ratoes oewang mas pada Koei Hoa, tetapi selaloe Koei Hoa toelak dengen alesan nanti pikir doeloe. Lantaran pikir Koei Hoa tentoe kagoemin kekajahannja,
