— 119 —
Tetapi dalum bebrapa hari ini, ia liat Thian Ho tiada taoe dateng, dan Koei Hoa selaloe doedoek bengong saaja, maka hatinja ada sanget koeatir. Paling blakangan ia liat Koei Hoa sering pergi kaloear dengen tiada ketaoean kamana, tempo-tempo Koei Hoa soeda sore baroe poelang.
„Koerang adjar ini anak,” berkata Tjit Mah didalem hati. „Tiada sari-sarinja selama Thian Hok tiada taoe dateng, ia kaloear sadja dan satelah sore baroe poelang, sedeng doeloean tiada begitoe. Akoe kapengen taoe ia pergi kamana. Akoe tiada maoe tanja padanja doeloe, biarin sadja.”
Tjit Mak lantes prenta saorang soeroeannja boeat koentitin kamana Koei Hoa soeda pergi, di mana tiada berapa lama ini soeroean dateng lagi kasi taoe, bahoea Koei Hoa saben hari pergi ka roemanja Pouw Teng tengokin Thian Hok jang sekarang soeda dioesir oleh orang toeanja dan sedeng dapet sakit keras.
„Kaloe begitoe akoe tiada boleh tinggal diam liatin tingka lakoenja Koei Hoa. Ia sedari ketjil akoe soeda beli dan rawat sampe besar, hingga djadi tjakep. Sekarang soeda waktoenja boeat akoe ambil poelang oewang beliannja dari ia poenja ketjakepan pada kongtjoe-kongtjoe, ia soeda maoe poenja soeka? Ha bagoes betoel. Ia liat akoe selaloe berlakoe manis padanja, maka ia djadi ngaloendjak sekali. Dalem segala hal akoe berlakoe
