— 111 —
Teng sedeng djalan kaloear maoe panggil tabib boeat Thian Hok.
Koei Hoa perkenalken diri dan perloe apa ia dateng. Pouw Teng meliat Koei Hoa dari atas ka bawa, dalem hatinja memoedji ini prempoean poenja ketjakepan, satelah mana laloe ia panggil istrinja aken ketemoeken Koei Hoa dan laloe anterken kakamarnja Thian Hok.
Thian Hok di itoe waktoe sedeng rebaken diri rasaken ia poenja penjakit, jang maski soeda banjak semboehan, tetapi lemasnja blon ilang, koetika denger Koei Hoa dateng boeroe-boeroe ia meremken matanja tiada maoe meliat pada Koei Hoa, kerna dalam hatinja ada sanget bentji pada ini prempoean, jang menoeroet anggepannja, lantaran ia maka peroentoengannja djadi kalang kaboet.
Koei Hoa masoek ka itoe kamar dengen plahan, dapetken Thian Hok sedeng tidoer dan badanja keliatan koeroes, moekanja poetjet, hingga hatinja djadi terharoe. Ia samperin Thian Hok dan moelai menanja dengen hati tergetar:
„Engko Thian Hok, engko Thian Hok, akoe dateng tengokin kau. Akoe tiada taoe kau dapet sakit. Akoe toenggoe-toenggoe dengen sediaken oewang delapan riboe boeat ringanken kau poenja katekoran tetapi kau tiada dateng, hingga
