280
Komediannja itoe kahormatan jang pengabisan Perkins toendjoek kapada sobatnja, dia lantas inget djoega pada president Ming.
Dia ingat jang dia poenja kahormatan nanti boleh tergangoe djikaloe dia tiada bri taoe kapada itoe president jang tjilaka, dari hal itoe kedjadian di pingir laoet Lamma, dan bagimana terkedjoet djoega boeat dia, djikaloe dia dapat dengar dari hal Tchou poenja kematian.
Demikianlah dia lantas toelies soerat jang pandjang kapada Ming, dalem jang mana dia tjarita samoea kedjadian jang sedi sedi, pada jang mana sasoedanja dia berangkat dari toko kompani Inggris soeda toeroet sama-sama dan itoe soerat dia kirim itoe hari djoega ka poeloe Honan kapada satoe soedagar ketjil orang Tjina, jang berangkat pergi ka Canton.
Dia brenti dia poenja tjinta dengan ini toelisan.
— Angkaoe liat toean Ming, jang saija soeda bikin semoea akan pegang saija poenja pekataän. Djikaloe saija soeda bisa ketemoe maidnja itoe pemboenoenja Lin, tentoe saija soeda kirim itoe maid kapadamoe, tetapi laoet soeda simpan itoe pemboenoe.
„Saija harep jang itoe radja moeda nanti tarik kombali dia poenja poetoesan karna angkaoe tiada bisa mengoendjoek itoe maid kapadanja dan dia nanti lepas angkaoe dari itoe hoekoeman, jang amat maloe pada jang mana dia soeda antjam kapadamoe tjoema akan bikin bangoen angkaoe poenja keradjinan. Tetapi jang saija terlaloe, amat kasian kapada orang-orang jang
