279
boeat minta idjin dari radja moeda djikaloe dia boleh kirim satoe paprangan ka poeloe Ladronen, tetapi tjoema akan menanja padanja apa itoe paprangan bala tantara nanti djadi dengan toeloengan ataoe tiada dengan toeloengan kompani Tjina.
Terlebi lagi dia prenta pada kaptein-kaptein kapal Imogene dan Andromache, akan lantas berangkat ka Bocca Tigres dan tingal disana boeat larang samoea kapal-kapal Tjina sopaija djangan masoek dalem itoe djalanan.
Toean Willian Maury misti bri taoe dari hal itoe poetoesan kapada itoe kaptein dari itoe kapal jang ada terdoedoek di Whampoa, biar sopaija itoe kaptein lantas bisa minta toeloengan kapada itoe kapal-kapal prang djikaloe dia kira jang orang maoe menoekoel. Berikoetnja itoe wakil dari bangsa Inggris pangil semoea officier-officier laoet berkoempoel dan serahkan kapada satoe dari dia-orang itoe djendral laoet John Stanley aken mengatoer paprangan lawan itoe poeloe.
Sekarang ini boekannja toeroen prang di itoe poeloe-poeloe dengan boeta-toeli seperti doeloe soeda djadi tempo orang belon dapet katrangan jang betoel, tetapi orang hendak toeroen di Wangmu, jang Pei-ho soeda toendjoek seperti tempat kepala dari itoe „Boenga Bakoeng“.
Besok paginja samoea orang dari Hongkong dengan dendam hati ada bersama-sama pada mengkoeboerkan maidnja toean Lauters, jang mana istrinja itoe ampir-ampir djadi gila.
