244
lebi dari doea poeloe kali angkaoe soeda kasi soerat djalan kapadanja.
―Bagitoe? Itoe boleh djadi! Saija soeda loepa itoe samoea.
―Angkaoe tiada loepa, toean president, jang itoe Perkins satoe orang jang tjakap sakali, ada djadi angkaoe poenja sobat baik. Saija tiada oesa dapat taoe itoe, sebab jang angkaoe berdoea ada bagitoe rapat, tetapi saija boleh mengarti samoea itoe katrangan atas itoe pemboenoe angkaoe soeda dapat dari dia.
Maka radja moeda soeda kaloearkan itoe perkataän jang pengabisan dengan soeara bagitoe bengis, sahingga Ming koetika moelai bitjara ada bagitoe gagah, soeda djadi gemetar pada sagenap badannja. Tetapi president jang bertjilaka soeda djadi sedikit senang kombali tatkala dia dengar pangeran Kong bitjara lagi dengan soeara baik.
―Tetapi saija misti mengakoe jang samoea daija oepaija jang ang kaoe soeda pake akan katemoe itoe pemboenoe ada patoet sekali, maka saija tiada boleh goesar kapadamoe dan boleh djadi djoega jang saija nanti trima penoeloengnj Perkins, maski dia ada satoe toekang bawa madat gelap. Itoe ka-adaün ada demikian maka saija tiada misti bermoesoe kapada orang-orang Inggris.
―Djikaloe bagitoe saija boleh bilang kapadanja.
―Djangan doeloe. Angkaoe masi ada tempo doea belas hari dan saija belon maoe ambil satoe poetoesan djikaloe saija belon berpikir jang matang.
