243
mesam, karna dia taoe jang itoe president ada satoe orang jang koerang brani.
―Saija sendiri, ― menjaoet Ming boeat kadoea kali sambil bangoen seperti dia ada sa-orang dari bala tantara.
―Itoe ada lain perkara. Djikaloe ada sebagitoe saija nanti pikir-pikirkan angkaoe poenja niatan. Tetapi apa angkaoe taoe tentoe jang itoe toean besar dari Hongkong soeda bikin itoe paprangan?
―Ja, pangeran, itoe saija taoe tentoe.
―Bagimana angkaoe taoe itoe?
―Itoe saija maoe mengakoe kapada toean pangeran. Satoe kaptein Inggris, jang satoe kali saija soeda taoe bitjara kapadanja, kalemaren soeda bilang pada saija, jang saijang sekali toean pangeran tiada maoe membri idzin kapadanja akan pergi poekoel sendiri sadja itoe badjak-badjak, karna djikaloe dia soeda dapat itoe idzin dan tentoe soeda lama linjap itoe perampasan.
―Bagitoe? Dan siapa namanja itoe kaptein?
― Berins, Berting, Perkin, saija tiada taoe betoel itoe nama.
― Tentoe angkaoe maoe bitjara dari kaptein Perkins? Betoel, pangeran, bagitoe ada namanja. Perkins, kaptein Perkins.
―Itoe kaptein kapal Si Ladjoe, satoe toekang bawa madat gelap jang termashoer.
―Bagitoe, apa dia toekang bawa madat gelap?
― Itoe angkaoe taoe lebi baik dari saija, karna koetika angkaoe masi djadi komandoer di Bocca Tigris
