234
ari, tapi itoe president jang terpeladjar, jang blon taoe liat pekerdjaän begitoe roepa, soeda kira jang itoe toean-toean soeda main soenglap di moeka matanja.
―Kaloe begitoe dia blon mati? ― menanja dia, dengan soeara goegoep.
―Itoe doktor tiada menjaoet Ming poenja pertanjaän, tapi tanja kapada Pei-Ho: begimana angkaoe poenja rasa.
―Baik sekali, berbisik itoe orang jang sakit dengan soeara lemas, tapi sampe njata boeat di dengar.
Ming lantas mengangkat doea-doea tangannja ka atas, dan tiada dengan berkata apa-apa dia pegang kapalanja seperti orang maoe tjari pikiran, karna dia terlaloe heiran itoe pekerdjaän dari itoe doktor.
―Angkaoe sekarang bole liat, jang kita-orang soeda pegang perkataän berkata toean Perkins ― maka sekarang angkaoe boleh sampekan angkaoe poenja bitjara; angkaoe tiada nanti bitjara melainkan sasoedanja angkaoe di gantoeng adanja.
―Ja, ― berkata Pei-Ho, jang ampoenja bibir ada bergerak ketawa mesam.
Didalam tempo 48 djam angkaoe nanti djadi segar kombali seperti kalemaren dan pada itoe waktoe angkaoe nanti dadi pengoendjoek djalan dari kita-orang boeat satoe perdjalanan ka poeloe Ladronen.
―Itoe saija soeda djandji kapada toean.
―Maka angkaoe nanti bilang kapada kita, siapa laki-laki itoe adanja, jang soeda ganti angkaoe djadi kapala atas perkoempoelan „Boenga bakoeng“.
