209
roepa dari dia, jang soeda djato didalam kasangsaraän oleh di itoe poenja lantaran.
―Apa angkaoe maoe? ― bertanja pemboenoenja Lin dengan soeara kras.
―Adoh! saija minta kapadamoe, djangan kasi saija kapada orang itoe akan mendjadi bininja ― bermoehoen baboenja njonja Liou ― kirimlah saija poelang ka Founsi. Saija soempa kapadamoe, jang saija tiada nanti boeka rasiamoe, saija tiada sakali-kali nanti seboet namamoe.
―Apa saija ferdoeli jang angkaoe di blakang hari maoe bilang ataoe tiada bilang, jang saija ada pemboenoenja Lin. Saija tiada maoe jang sekarang angkaoe bitjara itoe; jang algodjo nanti paksa angkaoe di moeka hakim. Saija tiada sadja maoe jang angkaoe poenja nonna misti mati; saija maoe djoega jang dia nanti mati ilang kahormatan seperti satoe pemboenoe.
Maka Tchou kasi pada prampoean itoe satoe tendang jang mendjatokan dia ka samping, komedin dia naik di atas batoe karang, dari mana dia laloeasa bisa meliat salebarnja laoet itoe.
Pada kakinja terbitjalah ombak pada batoe karang dari poeloe Ladronen. Di moeka dia, atas oediknja kali berkoempoellah goenoeng-goenoeng dari poeloe Matjan dengan awan-awan. Pada dia poenja sebla jang kiri ada doedoek tana Macao, di blakang dia poenja teloek dan di sebla kanannja Tchou berasa kadengaran itoe soerak-soerak dari bangsa Inggris, jang ada sama-sama pada itoe waktoe badjak-badjak di gantoeng.
Lawah-Lawah Merah
14
