208
― Kapan djadi itoe?
Pada hari, waktoe nonnanja di gantoeng; saija mane jang ini nonna akan meliat kita berdoea lebi doeloe dari dia mati, sopaija napasnja jang pengabisan nanti abis dengan satoe penjangsaraän jang paling blakang.
― Baik begitoe, toean, saija nanti toengoe.
― Angkaoe tjinta kapada itoe prampoean moeda? Woum-pi tiada menjaoet, tetapi matanja djadi menjala seperti api.
― Apa Me-Kiou soeka djoega padamoe? ― bertanja Tchou dengan satoe ketawa mesam, didalem mana ada ada tersemboeni kapalsoean dan kabintjian.
― Tiada! menjaoet itoe badjik dengan soeara besaar. ― Begitoe djoega saija soeda pesan saija poenja iboe, jang ada djaga pada prampoean itoe, boeat boedjoek dia itoe sopaija dia boleh mendjadi tjinta padakoe.
Itoe perkataän „tjinta“ soeda kaloear dari moeloetnja itoe badjak seperti satoe soempahan dari satoe anak ketjil.
Dia-orang berdoea soeda sampe pada roemanja Woum-pi, roemanja kapala badjak itoe misti lagi 100 tindak poenja djaoe, atas satoe batoe karang, seperti sarang boeroeng radja wali.
Sama sekali dia-orang poenja djalan di pegat oleh satoe prampoean dengan mata liar, dan ramboet terkoesoet-koesoet;
― Minta ampoen, Tchou! minta ampoen! ― bertariak prampoean itoe di bawa kakinja Tchou.
Ja itoe ada Me-Kiou, jang tiada sedikit berlainan
