165
― Apa angkaoe poenja niat itoe ada dengan sasoenggoenja?
― Soenggoe sekali-kali! Roepanja Tchou itoe seperti soeda ada tersimpan dalam kapalamoe.
― Saija kira djoega!
― Baliklah angkaoe poelang ka roemamoe berpake satoe pakean seperti sa-orang jang tiada berpangkat ataoe satoe pakean seperti sa-orang mardika, seperti itoe pakean jang angkaoe sering kali pake djikaloe angkaoe laloe dari poeloe Honan waktoe malam akan pergi di itoe praoe-praoe kembang; (artinja tampat prampoean-prampoean).
― Pergi di praoe-praoe kembang? Saija! bagimana angkaoe boleh taoe itoe?
― Toean president! saija poenja pakerdjaän kapala policie soeda kasi saija taoe samoea.
― Baiklah! Saija nanti bikin apa jang angkaoe maoe.
― Djikaloe matahari soeda toeroen dan djadi malam nanti saija datang ambil angkaoe.
― Baik, saija nanti toenggoe padamoe!
Belon lama Ming kasi kaloear itoe perkataan maka dia soeda menjasal kombali, karna itoe perkataan soeda ikat padanja akan bikin perdjalanan waktoe malam dimana di poenja hati tiada bagitoe brani akan berboeat itoe, tetapi soeda liwat waktoe akan bilang jang dia tiada maoe toeroet.
Dia poen mengarti samoea ini, dan bikin seperti dia soeka toeroet itoe perdjalanan; dia kasi salamat
