134
― Apa dia soeda kasi taoe kapada angkaoe?
― Ja, baroe saija trima itoe parenta, dia-orang misti di gantoeng; djikaloe sepertinja dia orang berboeat satoe peroesoean, ― toean taoe sendiri, ― toeroet oendang-oendang, dia-orang mi-ti di potong kapalanja, tetapi sebab dia-orang djadi budjak dan rampok bangsa Inggris maka dia-orang nanti di gantoeng.
― Bangsa Inggris! Itoe perbedaan ada tiada enak boeat bendera Inggis, toean president, tetapi ini satoe kali saija misti mengakoe troes trang, saija soeka sekali dengar itoe hoekoeman.
― Apa angkaoe kenal itoe orang-orang? — bertanja Ming.
― Saija kenal dia-orang. ― menjaoet Roumi, jang moelai berasa tiada enak hati boeat itoe kabanjakan pertanjaän.
― Apa betoel satoe dari dia-orang bernama Pei-Ho? Apa dia jang djadi kapala badjak?
― Betoel, boekan patoet ada itoe orang! Saija soeda tiada bisa soeroe dia bitjira.
Itoe algodjo ingat jang lebi dari satoe djam dia soeda siksa itoe orang, sahingga dagingnja di bakar dan di djepit, tiada djoega dia maoe mengakoe barang sedikit.
― Dimana itoe orang-orang jang misti di hoekoem ada sekarang, apatah masi ada djoega di Hongkong?
― Masi djoega ada di Hongkong. Toean Gouverneur maoe jang dia-orang misti tinggal di bawa dia poenja djagaän sampe pada waktoe dia-orang misti di boenoe. Dia orang nanti di bawa kamari oleh soldadoe-soldadoe Inggris. <nop>
