133
— Saija harap toean djangan berboeat soerat preksaän boeat lawan ini orang miskin!
— Mengapa djangan?
— Ja, tjoba pikir, barangkali itoe madat saija jang soeda djoeal padanja dan toean jang soeda kasi saija bawa masoek itoe madat.
— Itoe ada betoel djoega ! Menjaoet Ming, bekas mantri dari Bocca Tigres, dengan mesam. Maski bagitoe djoega kita orang ada poenja lain pake djaän.
Komediannja itoe dia meliat pada Roumi jang masi toendoek sadja kapadanja bernanti orang bilang apa-apa padanja dan bitjara tjara tjina
— Angkaoe boekan, jang hari noesa misti boenoe itoe badjak-badjak di Hongkong?
— Saija toean, — menjaoet itoe orang dengan angkat kapalanja.
Djikaloe Liou Siou ada sama-sama disitoe, tentoelah dia gemetar meliat orang itoe poenja roepa.
Dia itoe ada algodjo jang mana soeda seksa prampoean itoe dan soeda paksa soeroe mengakoe perboetannja jang dia boekan berboeit. Toean Perkins djoega berasa ngeri djikaloe dia ingat itoe seksaän paksa. Tetapi Ming tiada berasa sedikit ngeri, sebab dia soeda biasa meliat pakerdjaännja itoe algodjo, maka berkatalah dengan pelahan:
― Apa itoe orang-orang angkaoe misti gantoeng ataoe potong kapalanja? Orang bernanti datangnja Radja moeda, jang nanti kasi parenta angkaoe dari pada hal itoe.
