153
tempat minta ampoen, djikaloe handak bitjara den minta ampoen, nantilah kelak di hadepan radja kita.
Setelah itoe maka laloe di bawa kehadepan radja orang itoe, den mantri itoepoen di bawa kehadepan baginda.
Setelah sampe maka nahoda poen membri hoekoem pada segala orang jang berboewat pitnah itoe.
Katanja: Hai kamoe ini sekalian, sekarang ini angkau akoe kenaken hoekoem padamoe, seorang lima tahon dalem pendjara, serta pada tiap tiap hari angkau membantoeken kepada negri, aken memotong motong segala poehoen poehoen kajoe jang besar besar itoe masing masing dengen pekerdjaannja setengahnja meroeboehken den setenganja memotong den membelah belah kajoe itoe, den setengahnja memberisihken soepaja djadi soewatoeken hasil dalem negrinja, den kehidoepan segala isi negri, mendjadi terang bandarang roepanja negri itoe.
Maka sekalian poen toendoek menjembah pada nahoda itoe, maka di beriken lima poeloe orang berboedi den berakal, aken djadi penghoeloenja masing masing orang itoe.
Adapoen maka mantri itoepoen tiada laen pada pekerdjaan itoe, hanja sekarang akoe hoekoemken angkau keloewar dari pada pekerdjaan den serta toean mantri doedoek dengen senang, serta makan
