— 1919 —
sekarang ini soedah setengah doewa belas.“
Maximiliaan apa kaoe tida salah, aken maoe bikin itoe di hadepan dan di dalem roemahkoe?”
„Kaloe tida bole, biar akoe kaloewar sadja,“ berkata Maximiliaan dengan sedih hatinja, „kaloe tida, nanti akoe misti pertjaja, ijang toewan soeka dan saijang sama akoe, tjoema boewat goenanja toewan sendiri.”
Maka Morrel bediri.
„Baiklah,“ berkata Monte Christo, ijang moekanja djadi terang lagi, „kaoe poenja maoe soedah tetap, tida dapet di robah lagi, benarlah kaoe soesah hati sekali, soedah doedoek sadja sabentaran, toenggoe.“
Maximiliaan toeroet sabagimana katanja Monte Christo, ijang bediri pegi boeka lemari dengen koentji, ijang tergantoeng di lehernja, sama satoe rante mas ija ambil satoe kempoe-kempoe dari perak, di atas pedjok-podjokan itoe kempoe ijang ampat pesegi, ada segala roepa gambar-gambar, ijang mengoepamain kahidoepan manoesia di doenia.
Monte Christo taro itoe kempoe-kempoe di atas medja, dia boeka itoe laloe di ambilnja dari dalem tjoepoek-tjoepoek dari emas ijang toetoepnja terboeka, kaloe orang teken veernja ijang rasia. Dalem itoe doos ada saroepa dodol, ijang warnanja lida begitoe ketahoean betoel, sebab tjahaja sinarnja itoe mas, ijang tertaboer dengen piroes, inten, berliant mirah dan djambroet.
Graaf ambil sepotong ketjil dari itoe dodol sama sendok thee, maka di kasi itoe pada Maximiliaan sembari mamandang, seperti aken menemboesken hatinja Maximiliaan Baroe itoelah kaliatan dodol itoe idjo warnanja.
Graaf berkata: „Inilah apa ijang kaoe doeloe minta pa-
