— 1917 —
sadja.“
„Na, kaloe begitoe senang Graf, apa toewan djoega maoe mati?
„Ja.“
Maka Maximiliaan pegang tangannja sorta katanja: „Sekarang baroelah akoe taoe kenapa toewan bawa sama akoe sampe di sini, tempat ijang sepi, koeboer di dalem ini astana di dalem tanah, sekalipoen radja pharao tentoe djeloes, ijang dia tida bisa dapet tempat ijang begitoe.
„Ach begimana senangnja aken mati dengen tida di rasa, taoe-taoe soedah sampe dalem negri, ijang kekal, di mana akoe dapet ketemoe lagi sama Valentine.“
„Ja, ja Maximiliaan kaoe ini dapet tebak kahendakkoe.“
„Trima kasi Graaf, aai kaloe kita pikirln tida sebrapa lama lagi, maka akoe ketemoe lagi sama Valentine.“
„Kenapa, apa barangkali ada ijang masih bikin berat padamoe?“
„Tida,“ djawab Maximiliaan.
„Pada akoe djoega tida,“ berkata Graaf dengan hati tergerak.
Maximiliaan tinggal diam, matanja seperti menjalah, kemoedian aer matanja berlinang-linang.
Maka tanja Monte Christo: „Bagimanakah Maximiliaan, apa masih ada di doenia barang ijang kaoe tida soeka lepasken, abis kaoe soedah maoe minta mati.“
„Ach Graaf, djangan seksa akoe lebi lama, djangan omong pandjang-pandjang.“
Graaf tadinja dengan berkata begitoe, ada pengharepan, barangkali Maximiliaan minta idoep.
Pikirnja Graaf: „Akoe jakinin dirikoe boewat bikin be-
