— 1776 —
itoe orang-orang, soepaija marika itoe nanti bole adjar adat sama itoe orang baroe ijang berhati tinggi.
Itoe bangsat-bangsat soedah pada amperin sama Andrea, seperti sampi kawanan ijang dateng madjoe hendak menandoek saorang moesoehnja. Ada ijang soedah mendjerit:,,Ajo sloppin sama dia! artinja labrak sama dia dengan satoe spatoe ijang di pasangin pakoe, boekannja slop ijang di pake.
Laen-laen ada mendjerit aken adjar adat padanja sama pasir, ijang di taro dalem karoeng ketjil-ketjil boewat melabrak badannja dan kepalanja orang, sebagi poekoelan gong,
,,Ajo beri soedah, beri sama dia itoe toewan ijang bangga ijang kira dirinja tida sama dengan kita orang toetoepan.
,,Ajo mari kita adjat adat sama dia."
Wah orang-orang itoe semoewa soedah mendjadi galak, asal ada satoe ijang moelain bergerak, nistjaja Andrea binasa. Aken tetapi Andrea nanti oendjoek, ijang dia boekan orang dari kemaren doeloe, dapet di oboran oleh teman-temannja.
Andrea lantas pake sebagimana di adjarnja doeloe oleh Caderousse, ifa boenji-in moeloetnja ijang di tioepnja seperti oelar, ijang hendak memagoet kerna marah, abis dengan lidanja ija bertjiplak. Ia itoelah soewatoe tanda rahasia, antara bangsat-bangsat besar dan rampok pembegal dan laen-laen.
Apabila dia orang dengar soewara itoe, maka dia lantas di kenalin sebagi orang temannja doeloe. Semoewa tangan tida mengantemin lagi, sepatoe sama pakoe di kombaliken pada ijang ampoenja.
Kamoedian orang dengan soewara membilang ijang benerfah toewan Andrea poenja tjerita, serta barangkali ija boleh me-
