— 1725 —
kaloewarganja, pekoeboeran ijang laen-laen di timbangnja koerang baik, aken djadi tempat kaoem kaloewarganja.
Di pekoeboeran Pater Lachaise itoe, de Villefort soeroe diriken soewatoe roema-roemahan, di atas roemah-roemahan itoe ada tertoelis: Kaoem kaloewarganja Saint Merant dan de Villefort; sebab inilah memang kahendaknja Renee, mamanja Valentine.
Di roemah-roemahan itoelah, dalem sedikit hari familinja de Viliefort poenja isteri ijang pertama soedah di tempatken. Djadi ka pekoeboeran itoelah sekarang djinasatnja Valentine menoendjoeken, datengnja dari St. Honore. Djinasat itoe liwat di antero Parijs, sepandjang du Temple abis de Boulevard troes ka koeboeran. Lebi dari lima poeloe kreta preman toeroet mengantar dan doewa poeloe kreta ijang berkaboeng, dan di blakang ini kreta-kreta ada lebi dari lima ratoes orang toeroet djalan kaki, ampir semoewa djedjakadjedjaka moeda, ijang toeroet mereras, kerna matinja Valentine, ijang begitoe moeda, manis dan baik hati.
Liwat kota Parijs, orang dapet liat dari djaoe, satoe kreta pake ampat koeda ijang seperti terbang di djalan, dengen sekedjep mata, koeda itoe sampe pada orang-orang ijang menganter itoe dan koeda itoe sama sekali brenti tida bergerak lagi. la itoe Monte Christo ijang dateng: Graaf toeroen dari kretanja dan toeroet berdjalan kaki bersama-sama itoe laen toewan-toewan.
Chateau Renaud dapet liat padanja, maka lantas iapoen toeroen dari kreta dan laloe berdjalanlah bersama-sama, Beauchamp djoega lekas toeroen dari kreta sewahannja aken toeroet berdjalan.
Graaf itoe roepanja memandang kiri-kanan, seperti ada
