86
Tempo itoe sinjo sinjo liat jang itoe nona menangis baroelah dia orang mengarti jang perboeatannja itoe tida pantes adanja.
Ini nona boekan sembarang orang, tida sama seperti nona nona jang laen jang biasa djadi model. Dia orang lebi menghormati itoe nona.
Sinjo jang paling toea lantas madjoe sendiri laloe katanja:
Nona, maafkenlah kita orang sekalian sebab kita bersalah, kita koerang adjar akoe harep nona djangan goesar kita orang minta maaf minta ampoen.
O! trima kasih toean, berkata anak itoe sembaring seka aer matanja.
Baeklah sekarang nona kasi taoe sadja apa jang nona maoe.
Akoe kepingin bitjara sama toean Georges Ramel.
Kasian nona! toean Ramel tida ada di roemah akoe rasa ini hari nona tida bisa dapet bitjara padanja, tetapi besok pagi bole tentoein dia ada di sini.
Ach, berkatalah itoe nona dengan teramat sedihnja, akoe kepingin sekali bitjara sama toean Ramel ini hari.
Apa perloe sanget?
Ja, teramat perloe.
