79
Clara selama lamanja misti tinggal tersemboeni biar apa djoega orang bikin orang tida bole dapetin sama dia.
Itoe semoea ada, baik berkata lah Fourel si toekang tahang, tetapi kau ingat sendiri, itoe testament boekan membitjarain Clara Guerin sadja Joseph barangkali loepa jang Clara Guerin ada di kandoengan, anaknja Joramie dalem taon 1838. Betoel baik kita tjegah orang mendapetin Clara Guerin tetapi dia poenja anak? jang di akoe anak djoega oleh Joramie? Mana dia? kita tida taoe barangkali orang aken tjari itoe anak.
Ja kaloe itoe anak ada.
Betoel kaloe dia ada aken tetapi tida ada satoe apa jang menjataken bahoewa itoe anak tida ada.
Ach, orang bole bilang djoega apa kenjataan jang itoe anak ada?
Semoea ada betoel tetapi, biar bagimana djoega itoe anak djadi malang sekali.
Ach, berkatalah Rabiot, akoe sih bilang jang itoe anak soedah mati lama kaloe tida moestail itoe Clara soedah begitoe lama di sini orang tida aken taoe dia ada poenja anak? Masa Clara Guerin bisa tinggal senang di roemah selagi anaknja ada di laen tempat? Tetapi biarlah, kaloe itoe toean jang mengoeroes
