78
boedjoek sama dia aken lepasken haknja mendjadi ahliwaris.
Rabiot lantas berkata dengan hati bernafsoe: „O! tida, itoe djangan sekali kali ingat, kita ada masih itoe toean jang misti oeroes ini boedel masih ada itoe notaris kendati itoe perampoean maoe melepasken dia poenja hak tentoe jang laen laen tida maoe trima.
Pertjaja moeloetkoe berkatalah Rabiot boekan sadja kita tida bole kasi taoè sama Clara Guerin apa jang soedah kedjadian kita orang poen misti jakin segala daja oepaja boeat entjegah dia mendapet kabar jang dia ahliwaris. Tjoema kaloe begitoe baroelah kita koeat. Jang dia memang tida soeka di kenalin orang itoe soedah beroentoeng sekali bagi kita. Sekali kali kita tida bole bikin sampe orang laen bisa taoe, sebab dia tentoe aken di tjari. Orang tentoe taro advertensie dalem soerat kabar. Apa itoe boedjang bisa batja?
Ja, dia bisa.
O! kaloe begitoe djaga betoel djangan sampe dia bisa dapet batja soerat kabar boekan sadja itoe, kita poen misti djaga djangan sampe orang laen bisa dateng di sini boeat omong omong sama dia, mengarti?
Ja, neef akoe mengarti.
