75
ati betoel djangan sampe orang bisa doega apa apa.
Neef Rabiot, kau bole tentoein jang akoe tida seperti bebek berkowek kowek kesana sini aken memboeka rahasia.
Kita tida bole berkata kata, atau bikin apa djoega jang bisa menimboelken sesalan di blakang kali. Kapan sandenja betoel itoe orang Clara Guerin, ahli waris jang toenggal dari Joramie, tentoe kita tida bole tinggal diam; kita misti bekerdja. Sekarang akoe belon bisa bilang apa kita orang misti bikin.
Tetapi itoe oewang dari Joramie belon ilang boeat kita orang. Kita tentoe bodo sekali kaloe kita tida jakinin aken soepaja oewang itoe semoea kita poenjain.
Kita tida bole igat melawan sahnja itoe testament di hadepan hakim boeang boeang oewang ongkos perkara dengan pertjoema sebab tentoe kalah. Kita misti bikin laen roepa. Harta peninggalannja Joramie sampe banjak sahingga patoet djoega jang kita orang jakinin aken djangan sampe terlepas dari kita poenja tangan. Tjoba pikirin sadja.
Memang begitoe.
Djadi djangan tinggal diam itoe oewang brapa miljoen misti djadi kapoenjaan kita tida bole djato dalem tangan orang laen.
