74
mang boekan Clara Guerin sebab ada lebi dari satoe orang perampoean jang bekerdja di tanah Grandval.
O! itoe betoel, tetapi gampang akoe taoe. Itoe orang toea toekang angon jang akoe bilang tadi masih keras ingatannja dia tentoe masih bisa bilang kapan itoe si Sedih masoek bekerdja di tanah Grandval.
Tetapi biar bagimaná djoega soedah tentoe jang Clara Guerin taoe bekerdja di sitoe.
Akoe tadinja soedah tida ingat sama sekali itoe nama Clara Guerin tetapi tempo tadi toean notaris batja itoe nama dalem testamentnja Joramie baroe akoe ingat kombali. Dan kaloe soenggoe soenggoe itoe si Sedih betoel Clara Guerin, he aneh sekali boekan?
Rabiot doedoek mamikir. Tida laen kadengaran dia hm, hm, sadja, dan pelahan pelahan dia bilang, ia tjoema persangkaan sadja. Kita misti taoe tentoe.
Djali kau belon djoega pertjaja?........
Ja, pertjaja, pertjaja, kita tida bole doega doega, kita misti taoe jang tentoe. Orang tentoe tida nanti naik sekotji kaloe tida taoe kemana kita maoe pegi boekan? Kau pertama tama misti tjari taoe betoel dan dengan pasti apa benar itoe orang Clara Guerin apa boekan. Adapoen akoe adjarin pada moe berati
