35
Toean poen liat jang Joramie seperti tjari maoe bitjara sama Clement, boekan ? dia paksa dirinja begitoe kera samp dia bisa keloearin nama Clara.
Ach, benar sekali, benar Cordier, berkatalah Rabiot dengan kaget dan girang. Astaga bagimana bole djadi jang akoe sendiri tida kena bade itoe perkataan. Aai, akoe poen rasa tentoe tentoe itoe dia itoe perkataan jang rahasia.
Akoe ingat ingat itoe semoea abis akoe fikirin ap-maksoednja toean Joramie aken kataken itoe perkaa taan pada Clement. Akoe taoe jang kontji peti besi tentoe dia kasi sama Clement, tetapi itoe kontji konji sadja tida goena aken memboeka itoe lemari besi orang misti taoe djoega itoe perkataan rahasia, na ini perkataanlah jang Joramie maoe kasi ingat pada Clement sebelonnja dia mati.
Benar toean Cordier, tida salah, kau poe ja fikiran tadjem betoel, ach terlebi lebi lagi dakoe maoe pegang toean teroes dalem pekerjaankoe.
Cordier mendjoera.
Na, taoe apa toean Cordier marilah kita, lantas tjoba apa benar pendapetan moe.
Dengan terboeroe boeroe dia maoe pegi ke kantornja Joramie, tiba tiba kadengaran orang bersoeara kasar sekali.
