34
dier toelis itoe soerat soerat panggil sadja sama dia bilang akoe toenggoe.
Si boedjang pegi dan tida lama Henri Cordier dateng
Ei, ei! berkata toean ahli waris, toean dateng pagi sekali
O! djangan toean goesar jang akoe dateng begini laat ada sebabnja. Tadi pagi pagi baroe akoe bisa poeles sedik t.
Kaloe begitoe se antero malem kau tida senang.
Ja, benar seantero malem akoe tida bisa tidoer akoe membikin roepa roepa hal dan paling paling akoe fikirin ia iítoe perkataзn rahasia jang toean per loein.
Abis bagimana?
Akoe rasa jang akoe soedah dapet bade.
Ach, apa goena kaloe kau rasa sadja orang misti taoe tentoe baroelah senang di ati.
Akoe rasa jang akoe soedah dapet betoel betoel tjoba sadja fikir Kita orang ada di kamarnja toean Joramie boekan? tempo dia mati boekan?
Ja, abis apa.
Toean ingat jang tempo Clement balik kombali dari loear dia doedoek di sebelah kepalanja toean Joramie.
Ja, tjerita lebih djaoe.
