19
Orang bole masoek?
Ja, sekarang bole.
Siapa ada di dalem?
Toean doktor bersama sama lagi tiga orang sobatnja jang maoe ada sama sama di tempo matinja.
Rabioth bersama sama secretarisnja toean Joramie masoek diam diam kedalem kamar.
Moekanja toean Joramie soedah poeti seperti kaen poeti, tangannja satoe ada terletak di atas kaen panas, soedah lemas romannja, tangannja jang laen di pegang toean doktor, matanja mendelik sadja, seperti orang jang maoe memandang di blakang lelangse kematian aken tjari taoe rahasianja.
Joseph Rabioth madjoe mendekatin tempat tidoernja Joramie dengan tangisnja:
Ach neef, kasian neef.
Setelah jang maoe mati dapet dengar itoe soeara lantas badan jang soedah kakoe itoe bergeraklah, matanja berkedip bibirnja ketarik seperti orang maoe bitjara.
Doktor sigrah soeroeh Rabioth keloear dari kamar atau laloe dari tempat tidoer soepaja djangan ia keliatan orang jang maoe mati.
Tida lama dateng boedjangnja Joramie jang toea, ia doedoek di betoelan kepalanja dia poenja toean,
