18
Na, apa akoe bilang dia orang sama djoega gagak jang taoe di mana aken ada mait.
Toean padri tempo dengar jang toean Joramie sakit keras dia lantas dateng ketemoein padanja.
Bagimana Joramie trima dia?
Dengan senang hati dan toean Joramie bilang banjak trima kasi jang toean pastoor dateng.
Apa lama dia orang beromong omong?
Ada setengah djam.
Sendirian?
Doktor dengan akoe ada bersama sama.
Apa pastoor boleh kombali?
Ja semalem toean Joramie minta dia dateng sebab toean maoe dirinja di sembajangin"
Doea doea toean itoe laloe bediri keloear dari itoe kamar pegi djalan menoedjoe kamarnja toean Joramie.
Sampe di kamar sebelah dia orang liat ada satoe orang dateng menangis nangis, ia itoe boedjang kamarnja toean Joramie.
Secretarisnja Joramie tanja plahan plahan „Bagimana?
Si boedjang gojang kepala.
Apa soedah mati."
Belon tetapi dia soedah tinggal tarik maoet sadja.
