10
toeloeng, maka dia di toeloeng dengan perkataan dan dengan oewang.
Rabioth bekerja dengan itoe oewang beroentang sekali, sampe dia bisa beli tanah dan roemah jang membri hasil padanja setaon tiga poeloe riboe frank. Tetapi orang kaloe soedah atoe kali beroentoeng mendapet oewang sedikit, dia maoe lebi, dia seperti bertambah lapar pada oewang. Dia kepingin bisa dapet itoe oewang dari Joramie. Wah, sering dia tida bisa tidoer kaloe malem dia memikirin oewangnja Joramie jang aken ketinggalan kaloe dia mati.
Djadi tempo dia dapet dengar Joramie soedah ampir mati dia lekas dateng. Dia memang waris bersama sama lagi doea orang, dari itoe dia misti ada bersama sama.
Dia soedah itoeng itoeng jang harta peninggalannja Joramie aken terbagi tiga, dia jang dekat di itoe tentoe bisa bikin soepaja dia dapet lebian dari jang laen laen Itoe roemah aken djadi dia poenja bagian, dan dia seperti doega dirinja soedah orang hartawan seperti Joramie.
Maskipoen Joramie belon mati, dia itoe di dalem roemah soedah membawa tingka seperti orang jang ampoenja roemah.
Orang jang satoenja jang lagi beromong sama Ra-
