9
Tempo ia poelang, dia mampir doeloe keroemahnja Mr. Simeon, notarisnja toean Joramie. Pada dia itoe di trimahken itoe testament rahasia dan soerat soerat jang laen di bawa oleh graaf aken di batja nanti kaloe Joramie soedah mati.
Doktor Anral ada dalem kamarnja Joramie, semoea soedah menjataken jang ia ini tida aken idoep lagi sampe besok.
Dalem roemah jang bagoes itoe teramat sepinja, orang orang jang berdjalan seperti bajangan, tida bersoeara. Pintoe terboeka dan ketoetoep poen tida kadengaran orang beromong dengan berbisikan.
Dalem kamar jang doeloe di pake njonja Joramie djadi kamar rihas ada doea toean lagi doedoek doedoek sebelah menjebelah.
Jang satoe sedang besarnja, gemoek gembor, moekanja tida enak di pandang, bibirnja tebal, matanja teramat tjerdik dan djahat romannja, tida brani memandang orang, oemoernja lima poeloe taon, namanja Joseph Rabioth.
Ini toean djadi sanak dari fihak Joramie poenja mama.
Tempo soedah doea poeloe taon dia keloear dari dessa tempat tinggalnja boeat pegi ke Parijs di mara dia lantas pegi ketemoe Joramie dan minta di
Doktor Mangars
1a
