— 96 —
De Winter manggoet lagi, tapi tiada bisa berkata satoe apa.
„Mylord," kata poela Permisoeri dengen oendjoek pada itoe soerat,„kau tentoe mengarti, akoe sanget ingin dapet taoe apa jang ada ditoelis di ini kertas."
„Akoe nanti kaloear doeloe, njonja," kata de Winter.
„Djangan, tinggal di sini," djawab Permisoeri, .kita nanti batja ini soerat di hadepan kau. Apa kau tiada mengarti, akoe maoe tanja kau banjak perkara ?"
De Winter moendoer bebrapa tindak dan tinggal diam berdiri.
Permisoeri dengen prinses Henriette pergi di deket satoe djendela, dan sedeng itoe prinses bersender di poendak iboenja, iaorang berdoea batja soerat jang boenjinja begini:
„Istri jang tertjinta,
„Sekarang ampir sampe pada waktoe jang bisa kasi poetoesan dalem kita poenja oeroesan. Sekalian orang jang masi setia dan jang Allah soeda toeloeng koempoelken boeat akoe ada berkoempoel di Naseby, dari mana akoe toelis ini soerat. Di ini tempat akoe toenggoe datengnja balatentara rahajat jang soeda brontak dan boeat pengabisan kali akoe maloemken prang pada iaorang. Djikaloe akoe bisa menang, akoe lawan teroes, tapi djikaloe akoe dikalaken moesoe, akoe abis pengharepan. Seandenja sampe kedjadian begitoe roepa, akoe maoe tjoba boeat sampe di negri Frans. Tapi apa di sana orang nanti soeka trima satoe Radja jang ada dalem soesa, sedeng rahajat negri Frans sendiri sedeng
