— 80 —
Lantaran masing masing maoe tjoba, soepaja jaorang bisa bitjara dengen senang lagi sebagimana pada masa doeloe, bermoela keliatannja masing masing ada sedikit likat. D'Artagnan paksa dirinja boeat ketawa koetika denger Aramis tjerita dan Athos paksa minoem dari anggoer jang ada di depannja.
Athos jang dapet liat itoe keada'an lantes minta dikasi dateng ampat botol champagne. Koetika dapet denger itoe prenta pada boedjang roema makan, d'Artagnan poenja moeka keliatan djadi terang, Porthos moekanja djadi bertjahja, sedeng Aramis djadi sanget heran, kerna ia taoe, boekan sadja Athos tiada soeka minoem begitoe banjak sebagimana ia biasa minoem pada tempo doeloe, tapi sebrapa bisa Athos tiada maoe minoem lagi minoeman kras.
Aramis djadi lebi heran lagi koetika ia liat Athos moelai isi glas sampe penoe; d'Artagnan isi djoega glasnja dan lantes minoem sampe kring, begitos djoega Porthos dan Aramis toeroet sobat sobatnja poenja perboeatan dan tiada lama lagi itoe ampat botol soeda abis diminoem isinja.
Sigra iaorang dapet kenjata'an, alcohol ada satoe obat sanget moestadjeb boeat bikin orang djadi soeka bitjara dan loepaken Jaen laen perkara, iaorang lantes tjerita masing masing poenja pendapatan dalem tempo jang iaorang soeda berpisa begitoe lama dan pengabisannja iaorang bitjaraken perkara Mszarin.
„Demi kahormatankoe,“ kata Aramis dengen tersenjoem, soeda sampe banjak kita bitjaraken perkara orang orang jang soeda meninggal, sekarang kita moesti tjeritaken djoega perkara perkara djelek dari orang orang jang masi ada.
