— 69 —
Koetika soeda sampe deket pintoe itoe orang tinggal berdiri, tapi itoe doea soldadoe jang tjoema taoe apa soeda diprenta pada iaorang, paksa tarik ia kaloear.
„Nanti doeloe, sakedjep sadja,„“ kata itoe orang dalem bahasa Frans „akoe sedia boeat kasi ketrangan, Monseigneur.“
„Zoo! zoo!“ kata toean prins dengen tersenjoem, akoe soeda doega moesti djadi begitoe. Akoe ada poenja satoe roepa obat wasiat boeat bikin orang djadi soeka bitjara, anak anak moeda, toeroet ini toeladan, boeat digoenaken pada waktoe kau orang kapalaken balatentara.“
„Tapi dengen perdjandjian dan Monseigneur soempa, akoe nanti tinggal idoep,“ kata itoe orang.
„Akoe soempa demi kehormatannja saorang bangsawan,“ kata toean prins.
—„Monseigneur boleh moelai tanja.“
—„Di betoelan mana balatentara moesoe soeda menjebrang roengi Lys?“
—„Antara Saint Venant dan Aire.“
—Siapa kapalaken itoe angkatan prang?“
—„Oleh graaf de Fuonsaldagna, generaal Beck dan aartshertog sendiri.“
—„Brapa besarnja itoe balatentara ?“
—„Delapanblas riboe orang dengen tigapoeloe anem meriam.“
—„Dan sekarang ia djalan menoedjoe ka mana
—„Ka Lens.“
„Apa sala akoe poenja doegahan, toean?“ kata prins de Conde dengen wara angkoe pada maarschalk de Grammont dan laen laen officier jang ada di itoe kamar.
„Ja, Monseigneur,“ kata maarschalk de Gram-
