— 61 —
djadi kaget lantaran treakannja toean roema jang lari masoek dengen bertreak:
„Orang Spanjol! Orang Spanjol !“
Ini perkara ada sanget penting, hingga laen laen perkara djadi diloepaken. Itoe doea anak moeda boeroe kaloe ar dan minta dikasi ketrangan. Iaorang dapet face balatentara moesoe soeda liwatken Houdin dan Bethune dan menoedjoe ka tempat, di mana iaorang ada.
Toean d'Arminges lantes kasi prenta soepaja koeda dibikin sedia, sedeng ini doea orang moeda naek di atas roema makan, dari mana iaorang bisa dapet pemandangan loeas dan betoel djoega iaorang dapet liat dari djoeroesan Marsin dan Lens ada keliatan banjak soldadoe dan soldadoe koeda lagi djalan. Ini sekali boekan barisan ketjii, tapi satoe angkatan prang besar.
Itoe kabar tiada bisa disangkal lagi dan sekarang pantes iaorang toeroet nasehatnja toean d'Arminges dan brangkat dari itoe tempat.
Dengen tjepet iaorang lari toeroen. Toean d'Arminges soeda ada di atas koedanja, sedeng Olivain jang djoega soeda naek koeda ada pegang koeda boeat graaf de Guiche dan burggraaf de Bragelonne. Pengikoetoja de Guiche oeroes itoe doea orang tawanan jang sengadja dibeliken kalde boeat bawa iaorang, tapi iaorang didjaga sampe kras, di'iket kaki dan tangannja di sela, hingga djadi soesa boeat iaorang lari.
Dengen lariken keras koedanja iaorang menoedjoe ka Cambrin, di mana iaorang harep bisa ketemoe pada toean prins, tapi satoe hari lebi doeloe ini laksamana soeda brangkat ka La Basee, kerna ada jang kabarken padanja,
