— 60 —
djalanan sepi atawa di tempat rame, dalem gredja, pendeknja di mana sadja ia ada dan kau dapet liat padanja, kau moesti bikin binasa padanja dengen tiada oesa inget kesian, djangan sekali pake hati lema, berboeat padanja sebagimana kau haroes berboeat pada satoe oeler atawa satoe klabang; bikin binasa padanja dan djangan tinggal pergi sablonn akan dapet taoe betoel, ia soeda tiwas djiwanja; selamanja ia masi idoep, djiwanja lima orang ada dalem bahaja“
Sedeng itoe doea anak moeda djadi bengong denger Grimaud bitjara, ia lompat kaloear dan tjari koedanja.
„Begimans, graaf,“ kata Raoul pada de Guiche „apa sala akoe bilang, itoe orang roepanja sebagi satoe oeler?“
Doea minuut kamoedian ada kadengeran swara tindakan koeda. Raoul boeka djendela dan dapet liat Grimaud brangkat menoedjoe ka Parijs. Ia angkat dan gapeken dengen topinja boeat kasi slamet tinggal.
Sedeng lariken koedanja dengen kras Grimaud pikirken doea perkara.
Kasatoe koedapja tiada nanti bisa lari lama lagi, djikaloe moesti dilariken begitoe kras. dan kadoea ja tiada ada oewang. Tapi Grimaud maski tiada soeka banjak bitjara, banjak tipoenja.
Sesampenja di satoe tempat post ia djoeal koedanja dan toeroet menoempang di kreta post.
VI.
Sedeng Raoul lagi bengong pikirken apa jang Grimaud soeda kasi taoe padanja, ia telah
