— 412 —
Cromwell dan kerna kau minta ini doea orang tawanan atas ia poenja nama, akoe tentoe toeroet prenta, kau boleh dapet dan bawa iaorang.“
Dengen moeka girang Mordaunt hampirken pintoe roema, sedeng Porthos djadi kaget dan bengong awasin d'Artagnan dan ia blon dapet pikir apa jang ia moesti berkata.
D'Artagnan sengadja indjek spatoenja Porthos, hingga ia, Porthos, dapet taoe, jang ia poenja sobat lagi goenaken sala satoe tipoe.
Mordaunt angkat topinja dan maoe masoek djalan di tenga tenga ini doea musketier, sekalian ia kasi tanda soepaja itoe ampat soldadoe toeroet padanja.
„Djangan goesar," kata d'Artagnan dengen tersenjoem manis dan tepok poendaknja Mordaunt; „djikaloe generaal jang berkwasa besar soeda prenta kau ambil ini dosa orang, tentoe kau ada bawa djoega satoe soerat kwasa ?“
Mordaunt djadi kaget dan berdiri dengen bengong.
„Ia tentoe kasi kau satoe soerat atawa sapotong kertas boeat tanda jang kau dateng atas ia poenja nama,“ kata poela d'Artagnan., „Kaloe soeka kasi akoe liat itoe soerat, soepaja akoe bisa kasi ketrangan, apabila akoe ditarik di hadepan pengadilan, jang akoe tiada ada toeloeng akoe poenja bangsa sendiri. Akoe mengarti jang generaal tiada ada niatan berboeat djahat pada iaorang, tapi menoeroet peratoeran di negri Frans, djikaloe tiada ada soerat ketrangan, akoe boleh dipersalaken besar.“
Mordaunt moendoer dan ia mengarti soeda kena ditipoe oleh d'Artagnan jang ia lantes
