— 376 —
madjoe masing masing ka satoe pinggir dari
Radja dan iaorang berkata:
„Soeda, ja," iaorang kata; kita soeda berdjandji boeat toeloeng lepasken negri Inggris dan Schotland dari tangannja satoe orang jang Boeda doea poeloel'ma taon lamanja isep dara dan mas dari ini doea negri. Kita soeda berdjandji dan kita maoe pegang itoe perdjandjian. Radja Karel Stuart, kau djadi kita orang poenja tawanan."
Iaorang berdoea lantes angkat tangannja boeat pegang pada Radja; tapi sablon Dja laorang poenja oedjoeng djari langgar pakeannja Radja, laorang soeda reba di tana, jang satoe djato pangaan, jang laen tiwas djiwanja. Athos soeda ketok jang satoe dengen gagang pistol, sedeng Aramis telah toesoek jang laen dengen ia poenja pedang.
Sedeng graaf de Loewen dan laen la en officier djadi bingoeng, Radja soeda ada jang toeloeng dengen tiada ketaoean dari mana datengnja itoe penoeloeng, hingga Radja jang iaorang kira soeda ada dalem tangannja djadi terlepas lagi dan iaorang tiada brani menjerang, kerna tiada dapet taoe brapa banjak kawannja itoe penoeloeng, Athos dan Aramis adjak Karel I kaloear dari tenda moesoenja dan bertiga iaorang lariken koedanja ka tenda Radja.
Di djalanan laorang ketemoe pada de Winter jang dateng dengen ia poenja barisan. Radja kasi tanda dengen tangannja, soepaja de Winter dateng padanja.
— — — —
XXVIII.
Berampat iaorang masoek di tenda Radja; itoe koetika iaorang blon berem poek satoe apa,
