— 367 —
— „Tiada ada perhoeboengan satoe apa, toean-toean, sabenernja akoe berlakoe sebagi orang gila boeat bitjaraken itoe perkara begitoe lama, sadeng kau poenja dateng pada waktoe begini, bilang pada akoe, sebab tentoe kau bawa sala satoe kabar penting."
„Betoel, Mylord," kata Athos, akoe ingin berdjoempa pada Radja."
— „Pada Radja? Tapi Radja lagi tidoer."
— „Akoe perloe bitjara perkara sanget penting."
— „Apa itoe oeroesan tiada boleh ditinggal sampe besok pagi?"
— „Perloe dikasi kabar sekarang djoega, akoe kwatir soeda liwat tempo."
„Mari kita masoek," kata de Winter.
Tendanja Lord de Winter ada di seblanja tenda Radja dan satoe gang soeda dibikin dari mana de Winter boleh pergi mengadep pada Radja kapan sadja ia soeka. Itoe djalanan tiada didjaga oleh soldadoe, tapi oleh satoe pengawal jang dipertjaja oleh Radja Karel I.
„Ini toean toean toeroet akoe," kata de Winter.
Itoe pengawal manggoet dan kasi iaorang liwat.
Sabenernja Radja jang soeda tahan sengsara bebrapa lama itoe koetika kerna sanget tjape badannja lagi tidoer di atas pembaringan jang biasa digoenaken di tempat peprangan, ia berpake djas dari wol warna item, bandnja dilepas, tapi spatoenja masi dipake dan di sebla kepalanja ada ia poenja topi. Itoe tiga orang hampirken pembaringan dan Athos jang djalan lebi doeloe awasin moekanja Radja jang keliatannja ada sanget poetjet, djidatnja kaloear
